La pichòta Occitania d’Italia
Las valadas occitanas d’Itàlia s’eslarjon sus las provincias d’Imperia, Coni e Turin; oficialament son 14, mas lo cònte es ren precís pr’amor des valadas ente se duerbon autri nombrós pichòts valons. Fan partia de la provincia d’Imperia sonque Aurivèta Sant Michel e las ruaas Reald e Verdetja de la comuna de Triora; es occitana decò La Guardia en Calabria, popolaa entre XIV e XV sègle da vaudés del Briançonés e des vals Varacha e Pèlis sonats da feudataris del luèc per coltivar lors tèrras. /
En Piemont, da sud vèrs nòrd, la pichòta Occitania d’Itàlia cuerb drant tot lo Brigasc, e après lo territòri des valadas de Coni: val Corsalha, Maudanha, Eller, Pés, Vermenanha, Gés, Estura, Grana, Maira, Varacha e Val Pò ambè las valadas Bronda e Infernòt. Dins la provincia de Turin se duerbon las vals Pelis, Cluson, Germanasca e la Val d’Ols, nom occitan de l’auta Val Susa.
Comunas occitanas des valadas
Acelh | Gaiòla | Revèl |