Animat Carnaval alpin es aquel di lops de la Chanal, ente lhi joves del país se tenhon lo morre de nier, e tenon a la còrda lo personatge principal, lo lop, que cubèrt da pelissa d’anhèl e masqueron cor per las quintanas del país fasent de gests transgressius a las fremas, per fecondar-las simbolicament. Lo cortèu passa de maison en maison e totas las familhas, per far-se amisa la bestia que tanta paor fai a pastres e montanhards, uefron presents en natura da consumar a la festa del sande gras. Decò l’ors es protagonista di Carnavals alpins: emè aquel del Vilar de Acelh, un singular ors de seèl es present a Vaudier en val Ges. Un domator lhi cor darreire cerchant de prener sa fòrça fisica e sexuala, e puèi es simbolicament brusat sus un solestrelh que rapresenta la fin de l’uvern.