Las Parlaas de Entraigas, rapresentacion de la Passion de Jesù en la Setmana Santa, son una des mai anticas testimonianças de devoccion populara en las valadas: organizaas chasque tres ans da las confrairias del país de la Val Ges, preveon decò de dialògs en occitan.
Se passon la nuech de Desneal lhi rites di pastors, liats a la vocacion del territòri alpin: encara prepausats en las vals Grana e Estura, an per protagonistas lhi pastres en la vesta tradiccionala, que en gleisa adòron la Sacra Familha e obtenon la benedicion annuala per lor trabalh e lhi tropèls.