L’Occitania correspond per granda part al sud de la França, lo parelh dich Midi, ambè 32 despartaments sus un airal de 192.000 kmq e 12 milions d’abitants. En Itàlia comprend 14 valadas e 120 comunas en provincia de Coni, Turin e Imperia, e sus lhi siei 4300 kmq vivon 160.000 abitants. Es occitana decò la Val d’Aran sus lhi Pireneus catalans de l’Espanha, ambè 7.000 abitants sus 450 kmq. Las regions istòricas de l’Occitania son la Gasconha, lo Lengadòc, la Guiana, lo Limosin, l’Auvernha, la Provença e lo Delfinat. L’Occitania es ren un estat e jamai lo foguet: es un espaci cultural e linguïstic que dempuèi mila ans a son factor comun dins una lenga romana sonaa Occitan.