En l’automn l’Espaci Occitan de Draonier, abo lo sostenh de la Fondazione CRC dins l’encastre del project Sòn de Lenga, propon la cors de premier livèl de lenga e cultura occitana alpina en linha. Rosella Pellerino, lo tutor, ajuarè en linha lhi escolans, que polerèn partecipar quora pòlen, da pc, tablet o smartphone: la plataforma serè duberta h 24 dal 20 d’octobre al 22 de decembre.
Lo cors propon una alfabetizacion elementara en 6 lecions abo d’elements de lectura, escrichura, gramatica, ortografia, fichas gramaticalas, file sonòrs, diccionari fondamental, exercicis de valutacion.
Lhi escolans polerèn seguir las lecions sus una plataforma exprés, ente trobarèn las lecions, sempre disponiblas; en pus, serèn organizats de periòdics rescontres concordats en linha, sus Meet, entre tutor e la classa, per far conversacion e devisar sus de questions de gramatica.
Lo cors es gratis e dubèrt a tuchi: estudents, ensenhaires, operators toristics, apassionats, bèla si parlen pas occitan o viven pas en las valadas occitanas.
Per l’activacion del cors serèn enviats Userid e Password dal Tutor: lhi grops di diferents livèls començarèn despuei lo 20 d’octobre, mas chasqu’un, per son cònte, polerè continuar emè son ritme.
L’occitan alpin adobrat serè aquel meridional (valadas de Coni), e la grafia aquela classica, mas chasque escolan polerè partecipar embè la sia varianta, portant son contribut enteressant.
Las iscripcions devon arribar drant del 18 d’octobre p.v. per mail a segreteria@espaci-occitan.org marcant Nom e Conhòm, Luec e data de naissua, Residença, Telefon, email, livel da frequentar.
Informacions c/o Espaci Occitan , tel. 0171.904075, www.espaci-occitan.org, segreteria@espaci-occitan.org.