17 genier 2021, Sant'Antòni Abat ermita egipcian, premier abat, protector des bestias da cort, envocat contra encendis e totas las malatias de la pèl, sustot l’herpes zoster, dich fuec d'Sant'Antòni.

Lhi antonians despuei l'an Mila donavon da minjar charn de crin ai paures e curavon las plagas emè lo gras d'crin, e pr'aquò un crinet es sempre rapresentat dapè al sant, embè un cloquin, lo baston e lo simbol d'la letra Tau.

Per aver la protecion des bestias, lo 17 era tradicion portar-las a benesir en glèisa o s'la plaça; aquel jorn se fasia e se fai enca' la benedicion d'la sal, da donar a las bestias malatas, e a Calcineras de Paesana se fai còire lo pan benedet dich caritoun, pan d'la charitat.

La sera sovent s'envischava un folastret, solestrelh o jòia portabonaur. Se disia decò que la nuech del 17 las bestias porguesson parlar.