Gracias a l'Avocat Bruno Segre per aver donat a la nòstra biblioteca lo libre de Giancarlo Carcamo "Regime fascista. Nascita e morte". Serè fito a disposicion ental catalog d'la biblioteca #occitana! Bruno Segre, naissut a Turin ental 1918, es estat darrièr escolan de Luigi Einaudi. Laureat en Lei, pòl pas trabalhar perquè son paire era ebrèu; coma avia escrich sias idèias anti-racistas sus de revistas, ental 1942 ven arrestat per disfactisme politic e passa mai de dui mes en galera. Despuei lo 1943 es clandestin entre Busca, Caralho e Draonier. Ental 1944 a Turin es arrestat da la Guardia Nacionala Republicana e portat a las prisons Le Nuove. Arribat a n'en surtir, intra en la Resistença armaa en la 1ª division alpina "Giustizia e Libertà" a Pradlievi,  e aprés de mes que bolverson còrp e esprit, entre las nèus de l'auta Val Grana, partecipa a la liberacion de Caralh. despuei aquelhi temps a jamai quitat de se batre per la libertat ideala e politica, enti siei escrichs e en la profession. Es president de la Federacion provinciala turinesa de l'Associacion Nacionala Perseguitats Politics Italians Antifascistas (ANPPIA). Emè siei 102 ans galhards, tuchi lhi ans passa enca' l'istaa a Pradlievi.