L’edicion del’automn 2022 de Libres libres - Libri liberi, organizaa da l’Associacion Espaci Occitan abo lo sostenh de la Region Piemont e dediaa a publicacions en lenga occitana o liaas a la cultura alpina, continua e presenta en anteprima, jòus 13 d’octobre a 18 oras, una òbra patrocinaa decò da l’associacion de Draonier.

Rosella Pellerino, Director scientific d’Espaci Occitan, es autritz de la premièra traducion en italian de La bestia del Vacarés, cap d’òbra del 1926 de Joseph d’Arbaud. Aprés d’ans passats en l’encharmanta e sarvatja al principi del Nòu Cents, d’Arbaud a ambientat ent’aquesta terra aimaa sia òbra mai famosa, poema en pròsa encentrat sus un rescontre oniric entre un gardian de biòus e ‘na misteriosa creatura mitològica. Eveniment important per la cultura occitana en general, aquesta traducion rapresenta un resultat fondamental per l’Italia, que s’òcupa gaire de la literatura occitana modèrna e contemporanea. A la rpesentacion serè presenta decò Monica Longobardi, jà professora de Filologia Romana a l’Universitat d’Ferrara, qu’a firmat la prefacion del libre, ensemp a Erasmo de Meo, responsable de l’ediccion La Noce d’oro de Rocca di Papa (Roma).

L’apontament es a Draonier, en cò d’Espaci Occitan en Via Val Maira 19, ente se passarèn, sempre a 18 oras, decò lhi autres rescontres, seguent aquestecalendari:

jòus 3 d’novembre Diego Anghilante abo Abeio Abeio ensemp a Ettore Canepa e al jornalista de “La Stampa” Carlo Giordano;

jòus 10 d’novembre Arturo Viano e Pinòqui, traducion en occitan del cap d’òbra d’Carlo Collodi, abo Gianna Bianco e Marco Bailone, illustrator del libre;

jòus 17 d’Novembre Lidia Dutto, antropòloga, abo Come l’acqua o la pernice. Comportamenti matrimoniali, scenari all’unione e ritualità nel passato di un’area alpina;

venre 2d’decembre la cantautritz Valeria Tron e sia òbra premièra L’equilibrio delle lucciole, abo lo jornalista de “La Stampa” Carlo Giordano, en collaboracion abo la libreria Segnavia - Porta di Valle.

L’intrada a tuchi lhi apontaments es gratis; info tel. 0171.904075, segreteria@remove-this.espaci-occitan.org.