Cors gratis sus l’entervista jornalistica abo Fredo Valla
L’Associacion Espaci Occitan, que da vint ans trabalha per la promocion, defensa e estudi d’la cultura e d’la lenga occitana, organiza per sande 22 e diamenja 23 de junh un pichòt cors de tecnicas e manièras d’l’entervista jornalistica e d’la video entervista, decò en lenga occitana, abo lo documentarista, scenejator, jornalista Fredo Valla, per donar a joves jornalistas, film maker o aspirants lhi instruments e las competenças da aplicar a la racòlta d’entervistas audio/video o etnotexts en lenga, decò adobrant novèls lengatges e tecnologias.
L’activitat, realizaa abo lo sostenh d’la Region Piemont, serè gratis e se passarè en cò d’la Locanda Occitana del Silenzio a Camolhieras de L’Arma, sande 22 de junh da 15 a 18 oras e la diamenja 23 de junh en orari 10-13 e 15-18. Lo programa proponarè una introducion teòrica sus l'entervista finalizaa a la racòlta de memòrias, a la reproducion sus jornal, al video. Mancarèn pas las exercitacions e la pròva finala abo discussion corala di trabalhs presentats. Lhi partecipants deverèn aver computer portatil, smartphone per poler enregistrar video e audio, papier e pluma.
Per informacions e per se marcar al cors contactar l’Espaci Occitan drant del 21 de junh en Via Val Maira 19 a Dronero, tel. 0171 904075, segreteria@espaci-occitan.org.
Lhi partecipants polerèn durmir a la Locanda del Silenzio a cost concordat: durmir en refutge + sina + colacion € 48/cad; disnar d’la diamenja: menù degustacion € 27/cad sensa lo beure. Per informacions e prenotacions del durmir e minjar Locanda del Silenzio www.locandadelsilenzio.com