La biblioteca de Saluces propon un sondatge per intitolar la biblioteca civica. Lo filòsof Francesco Tomatis a fach lo nom del poeta occitan Barba Toni. Si coma nosautres pensatz que sie estat estonant poeta en occitan e decò en piemontés, votatz-lo!

Se pòl votar fins a diamenja 13 de decembre 2020 aicì: https://docs.google.com/forms/d/e/1FAIpQLSfL8f888CgfQ4XxoyWe73ov3f9fuKTWYqWJ6uTkdGt9gkoPQw/viewform?fbzx=-6084120171405998233&fbclid=IwAR1th6Tis09kKA6IxIgb053ZxCX0NfgXdfkO3aTgJXAqjNDHNGx62Y9eydU

A la domanda del sondatge "perqué?" la vòstra resplsta poleria esser:

"Barba" Tòni Baudrier (Fraisse, 1.11.1921 - Coni, 16.11.1999) es lo principal poeta del Nòu Cents en lenga occitana e entre lhi pus importants en piemontés. Naissut en Val Varacha, era ben liat a Saluces, ente vivia abo sa familha, e a la cultura del territòri del jà Marquesat de Saluces. Drant escolan e puèi professor d'istòria de l'art al Licèu Classic de Saluces, puèi director de la Biblioteca Civica de Saluces, que poleria èsser onoraa d'aver agut un poeta talament important coma dirigent, e navisar-lo abo siu nom. En pension, a continuat a donar-se a la poesia, a la vita culturala e politica, fondant lo Moviment Autonomista Occitan, puèi fasent part de Piemont Autonomista, coma conselhier regional. Mas es a la descuberta, valorizacion e elaboracion de la cultura occitana e piemontesa - poetica, literaria, artistica e politica -, que Bodrero a dediat tota sia vita itineranta.

Libres: Cristina, poema sacro (Operaia, Saluzzo 1958); La gioia dei giorni (Santa Maria degli Angeli, Verzuolo 1966); Solestrelh òucitan (Movimento autonomista occitano, Cuneo 1971); Val d’Inghildon (Centro studi piemontesi, Torino 1974); Sust (Ël pèilo, Mondovì 1985); Dal prim uch a l’aluch (Centro studi piemontesi, Torino 2000); Grinor (Primalpe, Boves 2000); Opera poetica occitana (Bompiani, Milano 2011).