LO 23 D’AVOST A DRAONIER ESTUDIÓS NIPÒNICS DE MINORANÇAS LINGUISTICAS

L’Espaci Occitan de Draonier propon en avost un original apontament abo una delegacion japonesa de recerchaires. Capitanats da una figura jà coneissua en las valadas, Naoko Sano, Professora d’l'Universitat Prefecturala d’Aichi, parlanta occitan e autritz de Una lenga en chamin, entrevista sus la lenga d’òc en Piemont, lhi amìs nipònics rescontrarèn diferentas realtats del monde cultural occitan.

Mars 23 avost a 17 oras en cò de l’Espaci Occitan en Via Val Maira 19 a Draonier se passarè un rescontre dubert al public que tractarè de: "Difusion e variacion de la paraula «patois»: Italia, Belgica, França, Catalonha". Lhi estudiós an de fach indagat lo diferent sens que la paraula patois a enti paìs: negatiu en França, findi un ensult en Catalonha, mas assimilat a “lenga maire” en Belgica entre lhi Valons e lhi franco-provençals en Soissa e sovent adobrat decò en Piemont.

Serèn presents Kasuya Keisuke (Professor emerit Universitat d’Hitotsubashi) Classificacion sociala del lengatge e ideologia linguistica ental cas de Grégoire e de Manzoni; Sano Aya (Borsista nacionala d’recercha Pòst-Doctorala) Consciença linguistica e nocion de « patois » en territòri franco-provençal: lo cas de la Bressa; Ishibe Naoto (Professor associat Università di Nihon) Molteplicitat del sens del «patois» e enfluença de la situacion sòciolinguistica enti debats al Parlament belga ental secle XIX; Sano Naoko, La paraula "patois" s’es fermaa a las Corbièras: la demarcacion entre occitan e catalan.

Lhi estudiós contarèn decò coma es naissut lor enterés per lengas talament da luenh da lor vita, contant lor experienças d’estudi e trabalh. Lo jorn d’aprés partarèn per las valadas franco-provençalas del turinés.

L’intrada es libra e gratis. Per info Espaci Occitan, tel. 0171904075, segreteria@espaci-occitan.org.