Videorealizat da l'Union Montana des Comunas del Monviso (Unione Monviso)

Marco Piccat, estudiós eminent de l’Universitat de Trieste parla de DONNE PIEMONTESI E CORTI D’AMORE. Lhi trobadors occitans entre XII e XIII secle arriban decò en Piemont, ente son aculhits en las corts del pòst. Destinatarias de lors chants, o celebraas enti texts, son de figuras de fremas coma Beatritz del Monferrat, la Contessa d’Piemont o la Marquesa d’Saluces.

La conferéncia s’es passaa sande 11 de setembre del 2021 a Panh en cò de l’antica abaïa di Sants Peire e Colomban e fai part de DANTE E LA LINGUA D’OC, prepausaa da las Unions Montanas des valadas occitanas Pò, Varacha, Maira, Grana e Estura ensemp a la Comuna de Saluces e a Terres Monviso e emè l’organizacion d’Espaci Occitan a 700 ans da la mòrt de Dante, per celebrar lo rapòrt especial que lo Grand Poeta a agut emè lhi trobadors e la lenga occitana.