Calendari Setembre 2021
Lo programa DANTE E LA LENGA D’OC, ideat per celebrar lo rapòrt especial entre lo Poeta e lhi trobadors a 700 ans da sa mòrt, continua a setembre abo un ric calendari d’apontaments en las valadas occitanas.
Se principia sande 4 de setembre a 21 oras a Moiòla, en cò del Centre Saben en via Don Cristini 1, abo la proiecion del film mut Maciste all’Inferno comentaa da Luigi Boledi, arquivista de la Fondacion Cineteca Italiana. Lo film del 1926 es una des òbras principalas de Guido Brignone, important regista del premièr Nòu Cents, e es estat virat pròpi en Val d’Estura. Es estat un di premièrs film vists da Federico Fellini qu’era estat encharmat dal clima oniric; entre lhi actors, Sergio Amidei, futur autor de Roma città aperta e Sciuscià. Prenotacions: Espaci Occitan 0171 904075 - segreteria@espaci-occitan.org .
Venre 10 setembre a 21 oras a Montomal de Coni, s’la plaça d’la gleisa de Sant Michel Arcangel, Anerian tourna veire lis estello, lectura de passatges sus las estelas da la traducion en occitan de la Divina Commedia realizaa ental 1956 da Jan Roche, abo Rosella Pellerino, e vision del cèl abo Federico Pellegrino. Sotfond musical de Amelia Saracco e Valentina Meinero. Prenotacions: 329 7905249 - expa@terradelcastelmagno.it drant de l’8 de setembre. Possibilitat de minjar en cò d’la Trattoria del Castello de Montomal (a pagament).
Sande 11 de setembre a 16 oras en cò de l’antica abaïa di Sants Peire e Colomban a Panh apontament abo Donne Piemontesi e corti d’amore, conferença de Marco Piccat, estudiós eminent de l’Universitat de Trieste. Lhi trobadors occitans entre XII e XIII secle arriban decò en Piemont, ente son aculhits en las corts del pòst. Destinatarias de lors chants, o celebraas enti texts, son de figuras de fremas coma Beatritz del Monferrat, la Contessa d’Piemont o la Marquesa d’Saluces. Prenotacions: Espaci Occitan 0171 904075 - segreteria@espaci-occitan.org .
Sempre sande 11 de setembre a 18 oras al Fòrt Albertin d’Vinai protagonista Il Conte Ugolino, lectura teatralizaa del Chant XXXIII de l’Infern, dediat al Cont Ugolin, da la version originala e da n’aquela viraa en la parlaa del Puei d’Vinai, curaa da Valter Giordano. Prenotacions: Union Montana Val d’Estura 0171 955555 - cultura@vallestura.cn.it .
Diamenja 12 de setembre a 16 oras a l’Area Campo del Borgat Quante storie dietro le parole – Abbecedario dantesco abo Caterina Ramonda, narracion per mainaas e familhas, pichòts e grands, curiós e per aquelhi qu’an vuelha d’escotar. Dante a cernut lo nom de la lenga occitana. Mas que s’estrema darreire de paraulas d’aquesta lenga? A la descuberta de causas fòravia, istòrias, personatges e sòns dròles dedins l’alfabet d’òc. Prenotacions: Espaci Occitan 0171 904075 - segreteria@espaci-occitan.org .
Venre 17 de setembre a 16.30 oras en la Biblioteca d’Vinhòl autre rescontre abo Caterina Ramonda e Quante storie dietro le parole – Abbecedario dantesco. L’iniciativa fai part des activitats Lei 482/99. Prenotacions: Union Montan Val d’Estura 0171 955555 - cultura@vallestura.cn.it .
Sande 18 de setembre a 17 oras a Palais Sarriod de la Tour de Costilhòlas apontament abo Giuseppe Noto, professor de Filologia e linguïstica romana a l’Universitat de Turin, e la conferença I trovatori, padri della lirica europea, dediaa a l’escòla poetica trobadorenca, qu’a inspirat Dolce Stilnovo, Minnesänger, Dante e Petrarca. Prenotacions: Espaci Occitan 0171 904075 - segreteria@espaci-occitan.org.
Diamenja 19 de setembre doble apontament al Castelet d’la Ròca: a 15.30 oras Caterina Ramonda rescontrarè mainaas e familhas abo Quante storie dietro le parole – Abbecedario dantesco. L’iniciativa fai part des activitats Lei 482/99. A 17 oras La Divino Coumedi abo Rosella Pellerino, lectura de passatges tirats da la traducion en occitan de la Divina Commedia realizaa ental 1955 da Jan Roche. Prenotacions: Espaci Occitan 0171 904075 - segreteria@espaci-occitan.org e Union Montana Val d’Estura 0171 955555 - cultura@vallestura.cn.it .
Sande 25 de setembre a 21 ores autre rescontre a Bernés, ental prat darrier la Glèisa di Sants Pietro e Paolo, abo Anerian tourna veire lis estello, lectura de passatges sus las estelas da la traducion en occitan de la Divina Commedia realizaa ental 1956 da Jan Roche, abo Rosella Pellerino, e vision del cèl abo Federico Pellegrino. Sotfond musical de Alessandro Chiapello. A 17.30 visita guidaa ai principals monuments d’Bernés abo l’acompanhatritz Elisa Viano Botte, e a 19.30 picnic autogestit o minjar fornit da l’organizacion (Associacion La Cevitou - Ecomusèu Terra Del Castelmagno) per 10 €, sus prenotacion. Prenotacions: 329 7905249 - expa@terradelcastelmagno.it drant del 23 de setembre.
Darrier apontament del mes jòus 30 se setembre a 21 oras a la Biblioteca Civica Anna Frank de Via Boves 4 au Borg. Andrea Giraudo, borgarin e Cultor d’la materia en Filologia romana a l’Universitat de Turin e l’Universitat de Siena parlarè de Arnaut Daniel, il “preferito”di Dante, lo trobador que Dante chama «miglior fabro del parlar materno» e fai parlar abo uech vers en lenga d’òc ental Chant XXVI del Purgatori. Prenotacions: Espaci Occitan 0171 904075 – segreteria@espaci-occitan.org.
Dante e la lenga d’òc es una iniciativa des Unions Montanas des valadas occitanas Pò, Varacha, Maira, Grana e Estura ensemp a la Comuna de Saluces e a Terres Monviso e abo l’organizacion d’Espaci Occitan. La programa fai part d’AMOR MI MOSSE, cornitz comuna d’iniciativas espanteaas sus tot lo territòri de la provincia, e continuarè fins a octobre.
Tuchi lhi apontaments son gratis fòra qu’ente es indicat. La prenotacion es obligatòria. Las prenotacions a Espaci Occitan deven arribar per mètzjorn del jorn drant de l’apontament.
Per partecipar a las activitats chal presentar lo Green pass.
InfoDante e la lingua d’oc: www.espaci-occitan.org - www.amormimosse.com