Calendari Octobre 2021
Lo programa DANTE E LA LENGA D’OC, ideat per celebrar lo rapòrt especial entre lo Poeta e lhi trobadors a 700 ans da sa mòrt, finìs a octobre après esquasi 30 apontaments organizats en las valadas occitanas.
Lo 15 d’octobre a 18 oras al Monastier de Draonier, en cò de l’Antic monasteri femenil d’Sant’Antòni, se tenarè la conferença Armi, amore e virtù: Bertran de Born, Arnaut Daniel e Giraut de Bornelh curaa da Walter Meliga, Professor de Filologia e Linguïstica romana a l’Universitat d’Turin. Ental De vulgari eloquentia Dante presenta lhi tres argoments mai importants da tractar en poesia: la valor de las armas, l’amor e la virtut. Mec d’aquò, per Dante, an chantat lhi poetas vulgars, sustot tres trobadors: Arnaut Daniel l’amor, Giraut de Bornelh la virtut, e Bertran de Born las armas.
Grand final lo 29 d’octobre a 21 oras al Teatre Civic d’Caralh, abo lo recital planistic de Giorgio Paolo Nicita. Lo concert per plano aurè al centre la parelh dicha Dante sonata, composicion de Liszt dal titol original Après une lecture de Dante, que lo grand autor auria escrich ental 1849 inspirat da la lectura d’la Divina Commedia. La composicion presenta dui temas principals; lo premier, en Re minor, rapresenta lo lament de lhi esprits a l'enfern; lo second, un coral en Fa diesis M, rapresenta lo gòi di beats. Aqueste lo programa complet: Robert Schumann, Davidsbündlertänze, op. 6; Franz Liszt, Sonetto 104 del Petrarca; Franz Liszt, Dopo una lettura di Dante: Fantasia quasi Sonata.
Dante e la lenga d’òc es una iniciativa des Unions Montanas des valadas occitanas Pò, Varacha, Maira, Grana e Estura ensemp a la Comuna de Saluces e a Terres Monviso e abo l’organizacion d’Espaci Occitan. La programa fai part d’AMOR MI MOSSE, cornitz comuna d’iniciativas espanteaas sus tot lo territòri de la provincia.
Tuchi lhi apontaments son gratis. La prenotacion es obligatòria, e per partecipar a las activitats chal presentar la Carta verda. Las prenotacions deven arribar per mètzjorn del jorn de l’apontament a Espaci Occitan 0171 904075 - segreteria@espaci-occitan.org.
Info Dante e la lingua d’oc: www.espaci-occitan.org - www.amormimosse.com