En l’automn l’Associacion culturala Espaci Occitan di Dronero, emè lo sostenh de la Region Piemont, propon una session de cors de lenga e cultura occitana alpina en linha. Un tutor ajuarè en linha lhi escolans, que polerèn partecipar quora pòlen, da pc, tablet o smartphone: la plataforma serè duberta h 24 dal 4 d’octobre al 20 de decembre p.v.
Per lhi grands son prevists tres livèls. Lo premier livèl es un cors d’alfabetizacion elementar en 6 lecions emè d’elements de lectura, escrichura, gramatica, ortografia, embe fichas gramaticalas, file sonòrs, diccionari fondamental, exercicis de valutacion.
Lo second livèl, per prener mai la man emè la lenga escricha e parlaa, a travèrs lo perfeccionament des reglas gramaticalas e l’estudi de terminologias d’escpecialitat, es dubèrt a n’aqueli qu’an finit lo cors de premier livèl e es articolat en 6 lecions en linha.
Lo terç livèl, en 4 lecions, vòl perfeccionar las reglas gramaticalas e l’estudi de terminologias especialisticas; es dubèrt a lhi estudents qu’an finit lo cors de second livèl.
Per las mainaas es previst un cors Junior en 4 lecions simplas e amusantas, a travers fòtografias, audio e situacions de tuchi lhi jorns.
Lhi cors son gratis e dubèrts a tuchi: estudents, ensenhaires, operators toristics, apassionats, bèla si parlen pas occitan o viven pas en las valadas occitanas.
Lhi escolans polerèn seguir las lecions sus una plataforma exprés, ente trobarèn las lecions, sempre disponiblas; en pus, serèn organizats de periòdics rescontres concordats en linha, sus Meet, entre tutor e corsistas, per far conversacion e devisar sus de questions de gramatica.
Per l’activacion del cors serèn enviats Userid e Password dal Tutor: lhi grops di diferents livèls començarèn despuei lo 4 d’octobre, mas chasqu’un, per son cònte, polerè continuar emè son ritme.
L’occitan alpin adobrat serè aquel meridional (valadas de Coni), e la grafia aquela classica, mas chasque escolan polerè partecipar embè la sia varianta, portant son contribut enteressant.
Las iscripcions devon arribar drant del 1° d’octobre p.v. per mail a segreteria@espaci-occitan.org marcant Nom e Conhòm, Luec e data de naissua, Residença, Telefon, trabalh, email, livel da frequentar.
Es possible frequentar un solèt livèl per an e lhi cors superiors son dubèrts mec a qui a completat lhi livèls precedents enti ans passats.
Per informacions: Espaci Occitan a Draonier, Tel. 0171 904075 segreteria@espaci-occitan.org, jòus e venre en orari 10-12 e 15-18, sande 10-12.