Reprenon emè lo 2022 lhi cors frontals de lenga e cultura occitana alpina organizats da l’Union Montana Val Maira e financiats da la Lei 482/99, An 2020. Son programats dui cicles, de premièr e second livèl, dubèrts a tuchi, residents en las valadas o de fòra, parlants o pas la lenga d’òc.
Lhi cors serèn tenguts da Rosella Pellerino, Director Scientific de l’Espaci Occitan, e se passarèn enti locals de l’Associacion, en Via Val Maira 19.
Lo jòus 10 de març 2022 començarè lo cors de premier livèl, emè particulara atencion a las varietats d’la Val Maira e d’la provincia d’Coni: lessic, conversacion e principalas reglas gramaticalas. Son prevists 6 rescontres da 2 oras, lhi jòus da 17.30 oras a 19.30, enti jorns 10-17-24-31 de març e 7-14 d’abril. Lo cors es gratis e serè activat abo 5 participants. Fin des inscripccions: sande 5 de març.
Per setembre es programat un cors frontal de second livèl, emè reglas de lectura e escrichura, principis des grafias classica e Escolo dòu Po, conversacion, dubèrt a qui abie finit un percors de premier livèl frontal o en linha. Son prevists 4 rescontres da 2 oras, sempre da 17.30 a 19.30 oras, en datas da definir. Lo cors es gratis e serè activat abo 5 participants.
Per informacions e inscripcions escriure a corsioccitano@gmail.com marcant nòm e conhòm, data de naissita, residença, profession e un recapit mail e telefònic; informacions decò al tel. 0171.904075.