Emè l’auton lo 2022 l’Union Montana Val Maira propon lo second livèl di cors frontals de lenga e cultura occitana alpina financiats da la Lei 482/99, An 2020.
Lo cors serè dubèrt a tuchi, residents en las valadas o de fòra, parlants o pas la lenga d’òc, e serè tengut da Rosella Pellerino, Director Scientific de l’Espaci Occitan, enti locals de l’Associacion, en Via Val Maira 19.
Lo cors, dubèrt a qui abie finit un percors de premier livèl frontal o en linha, començarè lo jòus 8 de setembre, e proponarè reglas de lectura e escrichura, principis des grafias classica e Escolo dòu Po, conversacion. Son prevists 4 rescontres da 2 oras, lhi jòus da 17.30 oras a 19.30, enti jorns 8-15-22-29 de setembre. Lo cors es gratis e serè activat abo 5 participants. Fin des inscripccions: sande 3 de setembreç.
Per informacions e inscripcions escriure a corsioccitano@gmail.com marcant nòm e conhòm, data de naissita, residença, profession e un recapit mail e telefònic; informacions decò al tel. 0171.904075.
Ental mes d’octobre começarèn decò lhi cors d’occitan en linha de I, II e III livèl, sempre gratis e dubèrts a tuchi; per informacions corsioccitano@gmail.com.