Arriba a Limon la tragedia occitana de Diego Anghilante
La tragedia en lenga occitana Bastian Nevacho de Diego Anghilante, aprés una fortunaa estagion en las valadas aquest’istaa, arriba en Val Vermenanha, a Limon. L’òbra, presentaa al concors “Premi per un texte teatral en las lengas del Piemont” e premiaa da la Region Piemont ental 2011, serè rapresentaa sande 12 d’octobre del 2019 a 21 orasentalTeatre “Alla Confraternita”. Lo texte, premiat ental 2011 decò en la seccion teatre del Gran Jo Flourau del Felibrige francés, es estat publiat ental 2012 dal Centro Studi Piemontesi de Turin sensa jamai èsser rapresentaa fins que, ental 2018, l’autor abo quarque actor amator e mairelenga des valadas Estura e Grana a decidut de presentar al public l’òbra teatrala.
Gracias a Espaci Occitan, e abo l’important sostenh de la Region Piemont, es naissut lo Teatre de la fiour per l’adaptament de BastianNevacho. S’es cernut de presentar una seleccion de passatges, liats da la votz de l’autor que, en italian, es lo narrator que companha entre las diferentas scenas.
Bastian (Sebastiano Degiovanni, dich Nevacho per sobriquet d’familha) es un “marrit” que ista ent’un paìs des autas Valadas Occitanas al principi de lhi ans ‘70, quora l’emigracion e lo parelh dich progrés esbrison per sempre la societat d’la civiltat alpina. Bastian, lingièra de mesa etat que viu entre rebellions chumias, chocas e prepotenças sensa capir aquò que se passa dedins e dentorn a nele, es un perdent, e sa vita es dominaa, coma ent’una tragedia antica, da la mòrt, dal torment e da un destin sensa sens. Lo drama trucha un argoment delicat ent’una lenga occitana preciosa, que mescla paraulas anticas e rafinaas a autras grossièras e popolaras, ente s’entreçon lhi registres dramatic e realistic. Da part d’Espaci Occitan, un novèl empenh en la valorizacion de la lenga e de la cultura occitana a travèrs lo teatre, forma d’art pas talament propongua en las valadas.
L’intrada es gratis. L’òbra teatrala es pensaa per un public adult e preparat a una istòria dramatica.
Regia e votz narranta Diego Anghilante; actors Claudio Franco, Manuela Damiano, Marco Parola, Guido Garnero, Luciana Ortu.
L’iniciativa es realizaa abo la collaboracion de la Associacion Culturala e Toristica Pro Loco, de la Comuna de Limon. Per informacions sus l’espectacle Espaci Occitan: www.espaci-occitan.org, segreteria@espaci-occitan.org, Fb @museooccitano, Tw @espacioccitan, tel 0171904075.