Jòus 23 d’Sant Joan a l’iris de Draonier

En l’Uech Cents una operacion sarvatja guidaa dal govern piemontés di Savòia talha l’80% di bòscs d’la Sardenha, e quora ental 1861 nais lo Renh d’Italia, Ichnusa usclaa es devengua l’isola des feas. Chantat da Grazia Deledda, lo bòsc del mont Ortobene a Nugòr en la seconda metat de l’800 a fach la mesma fin. Encuei, aprés bandits, talhabòscs, charboniers e fuècs, la foresta possa mai. La nuech las bestias del bòsc arpilhon lors espacis. Das sochièras d’aquelas milenarias èlighe lhi àrbols renaisson. Mas l’àrbol es sempre ele, a sempre mila ans. Lhi àrbols son creaturas vivas, qu’an un liam que se pòl pas copar abo las personas, sustot perqué gardon l’esprit di reires e des generacions passaas. Personas che respectavon lhi àrbols en vivent en armonia entre lor e abo la natura. Comea Nikola, Massimo, Tzia Gavina, vielhs àrbols de mai de 90 ans que lor Mont l’an abitat, curat, riespectat. Encuei lo bòsc creis mai, Checco cudìs sias chabras, Gianmario s’rampinha sus lhi àrbols e Donatella lei Grazia Deledda a Giulia e a Giacomo per far-lhi durmir. Abo lhi colps d’apia de l’Uech Cents, ensemp a lhi àrbols s’es perdua decò la memòria d’una Sardenha plena de bòscs e aigas. Encuei decò l’aiga, coma la memòria, retorna.

Entre las iniciativs liaas a “Atendent lo Premi Ostana”, jòus 23 de junh a 21 oras en cò del Cinema Teatre Iris de Draonier, l’Espaci Occitan, en collaboracion abo Babel Film Festival – Premi Especiale “Premio Ostana – 2021” propon lo film del regista nugorés Francesco Bussalai, produch da TerraTrema Film e Associazione culturale Cuccuru/Nigheddu. La duraa es de 62’. A la fin de la proieccion se passarè un confront abo lo regista.

L’intrada a la proieccion es gratis. En sala chal portar la masquerina Ffp2. Per informacions Espaci Occitan, tel. 0171.904075, segreteria@espaci-occitan.org.