‘N’istaa d’òc virant per l’Occitania abo la literatura
Arriba la bèla estagion e l’Espaci Occitan de Draonier propon tres rescontres s’la literatura occitana: cafè literaris dediats a grandas òbras o autors menc coneissuts, per virar l’Occitania gracias a la literatura modèrna en lenga d’òc. Lhi apontaments serèn animats da Rosella Pellerino e se passarèn a 18 oras en cò d’Espaci Occitan a Draonier.
Mercre 14 d’Sant Joan
La bestia del Vacarés de Jusep d’Arbaud
A la descuberta d’la Camarga del principi del Nòu Cents abo l’autritz d’la premièra traducion en italian del cap d’òbra de Jusep d’Arbaud, majoral del Felibrige, poeta, autor de romanç, manadier. Itinerari entre plantas, bestias, lo minjar, sus las peaas di gardians a travers tòcs de l’original provençal.
Mercre 28 d’Sant Joan
Valèri Bernard e la Madama Bovari occitana
Valèri Bernard, pintre, incisor, romancier e poeta marsilhés, es estat Capolièr del Felibrige. Es estat definit “lo Zola occitan”, ma s’es arrambat decò a Flaubert abo lo romanç Angelo Davi, escrich ental 1887 e publicat mec ental 1996, sòrta d’Madama Bovari que finìs ben, ambientat en l’encharmanta atmosfera d’Marsilha.
Mercre 12 del mes d’la Madalena
Alfons Daudet e Jusep Romanilha, paires del Curat de Cucunhan
La racòlta Lettres de mon moulin de Daudet pinta una Provença amusanta e mincatant languissosa; totun per lo conte dediat al famós curat l’escrivaire de Nimes vira en francés l’original occitan d’Jusep Romanilha, ensenhaire de Frederic Mistral, e decò fondator e Capolier del Felibrige.
L’intrada es libra e gratis. Per informacions segreteria@espaci-occitan.org, tel. 0171.904075, www.espaci-occitan.org, Fb @museooccitano, Tw @espacioccitan, Ig @museooccitano.
L’iniciativa fai part del projèct de l’Union Montana Val Maira financiat da la Presidença del Conselh di Ministres dins l’encastre del programa d’entervents prevists da la L. 482/99 coordenat da la Region Piemont.
‘N’istaa d’òc virant per l’Occitania abo la literatura
Arriba la bèla estagion e l’Espaci Occitan de Draonier propon tres rescontres s’la literatura occitana: cafè literaris dediats a grandas òbras o autors menc coneissuts, per virar l’Occitania gracias a la literatura modèrna en lenga d’òc. Lhi apontaments serèn animats da Rosella Pellerino e se passarèn a 18 oras en cò d’Espaci Occitan a Draonier.
Mercre 14 d’Sant Joan
La bestia del Vacarés de Jusep d’Arbaud
A la descuberta d’la Camarga del principi del Nòu Cents abo l’autritz d’la premièra traducion en italian del cap d’òbra de Jusep d’Arbaud, majoral del Felibrige, poeta, autor de romanç, manadier. Itinerari entre plantas, bestias, lo minjar, sus las peaas di gardians a travers tòcs de l’original provençal.
Mercre 28 d’Sant Joan
Valèri Bernard e la Madama Bovari occitana
Valèri Bernard, pintre, incisor, romancier e poeta marsilhés, es estat Capolièr del Felibrige. Es estat definit “lo Zola occitan”, ma s’es arrambat decò a Flaubert abo lo romanç Angelo Davi, escrich ental 1887 e publicat mec ental 1996, sòrta d’Madama Bovari que finìs ben, ambientat en l’encharmanta atmosfera d’Marsilha.
Mercre 12 del mes d’la Madalena
Alfons Daudet e Jusep Romanilha, paires del Curat de Cucunhan
La racòlta Lettres de mon moulin de Daudet pinta una Provença amusanta e mincatant languissosa; totun per lo conte dediat al famós curat l’escrivaire de Nimes vira en francés l’original occitan d’Jusep Romanilha, ensenhaire de Frederic Mistral, e decò fondator e Capolier del Felibrige.
L’intrada es libra e gratis. Per informacions segreteria@espaci-occitan.org, tel. 0171.904075, www.espaci-occitan.org, Fb @museooccitano, Tw @espacioccitan, Ig @museooccitano.
L’iniciativa fai part del projèct de l’Union Montana Val Maira financiat da la Presidença del Conselh di Ministres dins l’encastre del programa d’entervents prevists da la L. 482/99 coordenat da la Region Piemont.