Scuola estiva Cuneo - Elva - Dronero
31 agosto - 5 settembre 2026
Manifest AICÌ
Per la fin de l’istaa, l’Universitat de lhi Estudis d’Turin – Departiment d’Estudis Umanistics, en collaboracion abo l’Universitat Autònoma de Barcelona e l’Université de Pau et des Pays de l’Adour, organiza MYREiO – MYths and REalities of Occitan, la primiera Escòla Estiva internacionaladedicaa a aprofondir e reviscolar las tematicas liaas a la lenga e a la cultura occitana e a lor ensenhament. Es una ocasion extraordinària per la provincia d’Coni, que serè teatre de rescontres prestigiós destinats a d’estudents e recerchaires universitaris di tres ateneus enteressats, mas dubèrts decò a tot lo public d’apassionats, parlants, cultors. Per lo primier bòt, l’Universitat de Turin pòrta dins las valadas d’experts e de professors importants abo l’intencion d’enchaminar una collaboracion e una dubertura a las sugestions del territòri, ufrent a tuchi, coma uditors, la possibilitat de seguir gratis las propòstas, articulaas sus diferènts jorns second aqueste calendari, ja presentat anteprima a Sant Dumian al mes de junh en ocasion de l’iniciativa “Borghi in Dialogo 2026”.
Luns 31 d’agost a 19 oras dins lo Salon d’onor del Municipi d’Coni: dubertura de l’Escòla e saluts institucionals.
Mars 1° de setembre, dins l’Aula magna 107 de l’“Ex Mater Amabilis”, da 9 a 11 oras lo filològ e professor d’UniTO Andrea Giraudo parlarè de Trovatori e no; da 11.30 a 13.30 Bruno Surace, semiòlog e professor de cinematografia a UniTO, devisarè sus Il brand Occitania nel cinema e nei mezzi audiovisivi e digitali. Se recomença de 15.30 a 17.30 abo Filippo Barbera, sociòlog, professor d’UniTO e delegat a lhi airals enterns e ai sistèmas territorials metromontans, abo Identità locale e sviluppo del territorio: il caso delle vallate del cuneese.
Mercres 2 de setembre, sempre a l’“Ex Mater Amabilis”, da 9 a 11 oras Riccardo Regis, sociolingüista e professor d’UniTO, parlarè de Mito e realtà in prospettiva sociolinguistica; da 11.30 a 13.30Jean-Paul Rehr, medievista e recerchaire d’UniTO, presentarè Hérésie et inquisition en Occitanie: entre mythe et realité.
Jòus 3 de setembre lhi entervents se passarèn a Elva, en Val Maira: entre9 oras e 3 bòts (h 15) serè propòsta una excursion toponomastica guidaa da la dialectòloga e guida naturalistica Aline Pons de l’Universitat de la Val d’Aosta. A 16 oras Philippe Biu, professor d’occitan a l’Université de Pau et des Pays de l’Adour, illustrarè Lo lengatge shiulat d’Aas: iniciacion e demonstracion (Lo lengatge sublat d’Aas). A la fin de la jornaa, a 17 oras Guido Canepa, doctor de recercha en dialectologia e recerchaire d’UniTO, parlarè de Il gergo dei pelassiers di Elva.
Venres 4 de setembre da 8.30 a 11 excursion istòric-paisatgistica en bassa Val Maira; a 12 oras apontament a l’Espaci Occitan de Dronero ente Rosella Pellerino, lingüista e Director Scientific de l’Associacion, acompanharè lhi participants dins una visita de l’Institut d’Estudis e del Musèu Occitan, illustrant lo projècte dedicat ai 1000 ans de la Val Maira. L’aprèsmerenda continua en Espaci Occitan da 14.30 a 16.30 abo Antoni Rossell, filòlog e musicòlog de l’Universitat Autònoma de Barcelona, que parlarè de Mito e realtà in musica. Epistemologia dell’interpretazione del repertorio dei trovatori medievali. Per finir, da 17 a 19 oras intervent coral sus l’ensenhament de la lenga d’òc: Mito e realtà nella didattica dell’occitano (come lingua minoritaria) abo Ilaria Fiorentini, sociolingüista e professora de l’Universitat de Pavia, Aline Pons e Rosella Pellerino.
Grand final sande 5 de setembre dins lo Salon d’onor del Municipi d’Coni, ente despuei las 9.30 se passarè la Taula rotondaIl ruolo delle università europee nella promozione e tutela della lingua e cultura occitane, coordinaa da Giuseppe Noto, filòlog e professor d’UniTO, abo Filippo Barbera, Philippe Biu, Cristina Clerico (Assessora Cultura, Universitat, Politicas Jovanilas Comuna de Coni), Gianluca Cuniberti (Prorector UniTO), Alessandro Mengozzi (Director Departiment d’Estudis Umanistics UniTO), Antoni Rossell, Matteo Rivoira (dialectòlog e professor UniTO, Director de l’Atlante Linguistico Italiano).
Lo Comitat scientific de l’iniciativa es format da Andrea Giraudo (UniTO), Philippe Biu (UPPA), Massimiliano Gaggero (UniTO), Giuseppe Noto (UniTO), Antoni Rossell (UAB); lo Comitat organizator da Guido Canepa (UniTO), Andrea Giraudo (UniTO), Rosella Pellerino (Espaci Occitan).
Lhi interessats a seguir coma uditors totas o quarquas jornaas son pregats de contactar andrea.giraudo@unito.it o guido.canepa@unito.it drant del 27 d’avost p.v.; la participacion a las jornaas del 3 de setembre (excursion e lecions a Elva) e del 4 de setembre matin (excursion en bassa valada) es reservaa a lhi estudents marcats a l’escòla.
L’Escòla Estiva, financiaa dins l’encastre del programa UniTo Starting Grants 2025 e entre las iniciativas VALLE MAIRA 28 MAGGIO 2028, es organizaa gracias al sostenh e al patrocini de:
