Sande 2 de març del 2019 a 15 oras apontament “Maraman – paisatge cultural des valadas Maira e Grana” a Sen Pie l’Ecomusèu Terra del Chastelmanh e La Cevitou proponarèn ental Salon Pensionat Casa Vittoria LAS FANTINAS. A Sen Pie en Val Grana, fins a la fin de lhi ans Quaranta per Carlevar las mainaas en masquera proponion un pichòt espectacle itinerant: las tres fantinas, lo chant dialogat d’la poma d’amor. A setanta ans da la darriera rapresentacion, gracias a la disponibilitat di testimònis e a la precisa e preciosa racòlta des testimonianças sal territòri facha da Lombardo Renato, es estat possible arproponer la chançon scenetjaa. L’espectacle serè enterpretat da las mainaas de Sén Pìe, companhaas dal còro d’la Cevitou.
Lo programa continuarè a març abo lo Centre Europèu Giovanni Giolitti, lo Musèu occitan Sòn de Lenga – Espaci Occitan, la Collecion instruments musicals “G. Goletti”.
Se continuarè puèi fins a junh abo tuchi lhi autres musèus Maraman: lo programa complet se pòl leser sal sito www.espaci-occitan.org. Lo calendari de rescontres, curat dai musèus e coordenat da Espaci Occitan en collaboracion abo l’Union Montana Val Maira, es realizat abo l’ajut d’la Region Piemont, e rapresenta decò una des accions d’la Carta Europea del Torisme Sostenible del Viso. Per informacions: Espaci Occitan de Draonier, tel 0171 904075, segreteria@espaci-occitan.org, Fb @museooccitano, Tw @espacioccitan.