Abo l’auton 2026 Espaci Occitan repropon lo tradicional cors frontal de lenga e cultura occitana alpina de premier livèl. Lo cors serè dubèrt a tuchi, residents en las valadas o de fòra, parlants o pas la lenga d’òc, e serè tengut da Rosella Pellerino, Director Scientific d’Espaci Occitan, enti locals de l’Associacion, en Via Val Maira 19 a Draonier.

Lhi apontaments son per lhi venres 18- 25 setembre e 2-9 d’octobre, da 17.30 a 19.30: se començarè abo reglas elementaras de lectura e escrichura, principis des grafias classica e Escolo dòu Po, conversacion.

Lo cors es gratis. Per informacions e inscripcions escriure a segreteria@remove-this.espaci-occitan.org marcant nòm e conhòm, data de naissença, residença, profession e un recapit mail e telefònic; informacions decò a lo 0171.904075.

Fin des inscripcions mercre 16 de setembre.

L’iniciativa fai part del project SÒN DE LENGA 2026 relizat abo lo sostenh de Fondacion CRC e Region Piemont.