A Gambasca teatre còmic en piemontés e occitan abo Claudio e Marco
La vuelha d’arpilhar a rire coma un bòt, en manièra simpla, noncenta, legièra e pasea, sensa nomàs, en las lengas qu’escotem e parlem tuchi lhi jorns. En las valadas l’italian, l’occitan e lo piemontés se mesclon en continuacion e es parelh, passant da una lenga a l’autra, que lhi còmics Claudio e Marco an creat lor espectacle: una detzena de scenas abo recitacion, mimo e musica, per far rire a travers la publicitat.
Lo titol d’l’espectacle, Reclam, es la version “alpina” del francés réclame, messatge publicitari: e es pròpi lo messatge publicitari d’la television que ven propungut a nòstra mòda, da lhi actors, a travers un simbol d’la television italiana, Carosello.
Lhi còmics Claudio Franco e Marco Parola, originaris d’la Val d’Estura, serèn en Val Po sande 5 d’octobre del 2019 a 21 oras, ental Salon Comunal d’Gambasca, a intrada libra.
L’iniciativa es presentaa da Espaci Occitan e es realizaa en collaboracion abo l’Union Montana des Comunas del Viso, la Comuna d’Gambasca e lo sostenh d’la Region Piemont.
Per info Espaci Occitan: segreteria@espaci-occitan.org, Fb @museooccitano, Tw @espacioccitan, tel 0171904075 e Unione Montana dei Comuni del Monviso, www.unionemonviso.it, www.vallidelmonviso.it, info@unionemonviso.it, tel 0175 94273.