Lo 25 de novembre lo filòlog Andrea Giraudo au Borg
Ben apreciat ental 2021 emè sa conferença Arnaut Daniel, il preferito di Dante, lo filòlog d’lo Borg Andrea Giraudo s’arpropon lo 25 de novembre p.v. gracias a la collaboracion culturala entre l’Associacion Espaci Occitan e l’Assessorat a la Cultura d’la comuna d’lo Borg. L’activitat realizaa abo lo sostenh de la Region Piemont.
Andrea Giraudo, Doctor de recèrcha en “Filologia e critica” a l’Universitat de Siena e a l’École Pratique des Hautes Études-PSL Paris, es recèrchaor en Filologia romana a l’Universitat de Turin, e s’òcupa sustot d’antica literatura vaudèsa, laudas de Iacopon da Tòdi, trobadors e textes morals del Dui Cents francés.
La conferença Raimbaut de Vaqueiras. Lo trobador e l’espaa presentarè la figura del trobador provençal actiu entre la fin del secol XII e lhi premièrs ans del XIII, tròbant fortuna a la cort de Bonifaci I del Montferrat. A travers la lectura d’un texte curiós de la literatura medievala en lenga d’òc, la parelh dicha Epistola epica, serèn definias las coordonaas del mond (dins e fòra la cort) ente a vivut e es estat actiu Raimbaut, fina a la partecipacion a la Quarta Crosada.
Lo rescontre se passarè a 21 oras en cò de la Biblioteca Civica Anna Frank, en Via Boves 4 auBorg; l’intrada es libra e gratis.
Per informacions Espaci Occitan, tel. 0171.904075, segreteria@espaci-occitan.org, Biblioteca Civica Anna Frank, tel. 0171.265555.