Libres libres, edicion de stoton organizaa da l’Associacion Espaci Occitan abo lo sostenh de la Region Piemont e dediaa a publicacions en lenga occitana o liaas a la cultura alpina, arriba al darrier apontament d’l’an.
Venre 2 de decembre Valeria Tron presentarè son premièr libre L’equilibrio delle lucciole, romanç ente la protagonista Adelaide, aprés una delusion d’amor, arriba mai a son paìs en Val Sant Martin, per “far la muaa al còr”. L’atendon Nanà, 90 ans, e una seia de nèu que l’oblijarèn a passar abo l’anciana frema de lòngs jorns, e Adelaide n’en profitarè per intrar ent’una chambra estremaa borraa d’libres, letras, fotografias, recòrds lhi contarèn d’un temp da luenh, de personas que lhi son pus, de sa familha, aventuras, causas de tuchi lhi jorns, sumis e desespuars. Trobarè parelh, en la maison qu’avia laissat e qu’eira es mai presta a l’aculhir, e en la lenga occitana, que permet d’expressions da mal traducher, lhi clars que siervon a enralhonar las ombras de sa vita e a la butar mai en bola.
Devisarè abo Valeria Tron lo jornalista de “La Stampa” Carlo Giordano; l’apontamento, que se passarè a 18 oras en cò d’Espaci Occitan en Via Val Maira 19 a Draonier, es en collaboracion abo la libreria Segnavia - Porta di Valle d’Brossasc.
L’intrada es gratis; info tel. 0171.904075, segreteria@espaci-occitan.org.