Nòvas

Per Libres libres, Come l’acqua o la pernice. Riti e costumi del matrimonio in area alpina

L’edicion de stoton de Libres libres - Libri liberi, organizaa da l’Associacion Espaci Occitan abo lo sostenh de la Region Piemont e dediaa a publicacions en lenga occitana o liaas a la cultura alpina, continua a novembre abo Lidia Dutto e son Come l’acqua o la pernice.Comportamenti matrimoniali, scenari all’unione e ritualità nel passato di un’area alpina.

 

Jòus 10 de novembre a 18 oras l’antropòlogad’la Clusa presentarèsia darrièra publicacion, volum numre 8 d’la colana començaa ental 2004 e dediaa a l’antica sapiença popolara d’la Val Pes. “Come l’acqua o la pernice” es una expression creaa da l’autritz partent da formulas linguisticas culhias da ancians informators, e arsòna doas manièras diferentas d’afrontar lo mariatge per l’esposa ental passat. Da un cant la filha era encoratjaa a baissar aval per liberar-se da las miseras condicions de vita d’la montanha, mas ental mesme temp de proverbis que parlon d’la bòna pernitz la possavon a istar en montanha e a far son ni amont. Aqueste satge, analizant lhi resultats d’una granda recercha antropològica, reconstruìs las ocasions que se pariavon ai joves da mariar, entre emocions e chausias da mal far de mariatges d’amor e unions combinaas. L’autritz presenta decò lhi extraordinaris rites que se passavon drant e aprés lo mariatge, a travers praticas simbòlicas de granda teatralitat, vers rites de passatge coma aquel de “maçar lo bon temp a l’esposa”. L’apontament, gratis, es en cò d’Espaci Occitan, en Via Val Maira 19 a Draonier.

 

Lo darrièr apontament serè venre 2d’decembre, sempre a 18 oras a Espaci Occitan. La chantaira Valeria Tron presentarè sia òbra premièra L’equilibrio delle lucciole, abo lo jornalista de “La Stampa” Carlo Giordano, en collaboracion abo la libreria Segnavia - Porta di Valle.

 

Per info tel. 0171.904075, segreteria@remove-this.espaci-occitan.org.