Continua la terça edicion del ric programa “Maraman – paisatge cultural des valadas Maira e Grana – 2018/2019” ente lhi musèus e las exposiccions des doas valadas presenten al public de propòstas culturalas, rescontres, film, laboratòris.
Sande 23 de febrier del 2019 a 20.30 oras a Sant Ròc de Bernés (via Divisione Cuneense 65) l’Exposicion de Fòssils proponarè una serada dediaa al GEO-TORISME EN VAL MAIRA. La particularitat geologica d’la Val Maira es èsser traversaa da tuchi lhi terrens d’un antic ocean alpin, dich Tetide. Aquò pòrta a una varietat de ròchas que laisson lor peaa enti panoramas e las combas que l’atraverson: lhi bolets de peira di Chichos del Vilar, lhi contrafòrts del Rocharè, lo Viòl di Ciclamins, lhi preits de Celas, lhi precipicis del valon d’Elva, la muraha del Quersònh e del Pelvo, lo Patrimòni Geològic Italian d’la Gardeta abo siei rectils triassics, las Trunas de travertin a las Sorças del Maira, las agulhas del grop Chastèl-Provençala e lo Pissalh d’Estròpia. Lo torisme de l’outdoor es liat a la geologia, e serè explicat lo perquè. Drant de la conferença del geòlog Enrico Collo, visita guidaa a l’exposicion di fòssils del musèu a cura de Attilio Dalmasso. Intrada libra, prenotacions tel. 0171 687207, email attiliodalmass@tiscali.it
Lo programa continuarè a març abo l’Ecomusèu Terra del Chastelmanh I Babaciu + Musèu, lo Centre Europèu Giovanni Giolitti, lo Musèu occitan Sòn de Lenga – Espaci Occitan, la Collecion instruments musicals “G. Goletti”.
Se continuarè puèi fins a junh abo tuchi lhi autres musèus Maraman: lo programa complet se pòl leser sal sito www.espaci-occitan.org. Lo calendari de rescontres, curat dai musèus e coordenat da Espaci Occitan en collaboracion abo l’Union Montana Val Maira, es realizat abo l’ajut d’la Region Piemont, e rapresenta decò una des accions d’la Carta Europea del Torisme Sostenible del Viso. Per informacions: Espaci Occitan de Draonier, tel 0171 904075, segreteria@espaci-occitan.org, Fb @museooccitano, Tw @espacioccitan.