Jòus 25 d’avost al Sambuc una istòria occitana d’ecologia sensa temp

L’òme que plantava d’arbols es un conte publicat ental 1953 da l’escrivaire provençal Jean Giono, pacifista e ambientalista, jà autor de Le hussard sur le toit. Aquesta pichòta istòria a per protagonista un pastre qu’entre 1913 e 1947 tot da solet arsanìs una secha valada provençala, plantant cent aglands al jorn. Sa vita es contaa da un jove que torna a lo veire aprés la premièra guerra mondiala e enti ans d’aprés, e tuchi lhi bòts retròba una foresta sempre mai granda e drua, que passa sot la proteccion de l’Estat e tira nòvas familhas, joves e lauraires, arpopolant una region drant desolaa.

Escrich en francés e puèi viraa en tantas lengas, es estat traduchut e adaptat a l’occitan alpin decò da Rosella Pellerino, Director Scientific d’Espaci Occitan, qu’al Sambuc lo proponarè a un public de mainaas e familhas mas decò de grands qu’abien vuelha de pensar poeticament al valor de l’ecologia e di pichòts gests de tuchi lhi jorns, perqué coma a escrich Giono “lhi òmes polerion far ben coma Diu se s’ocupeisson d’autre e pas mec de destruger ".

Aprés una presentacion de l’autor, che buta al centre de totas sias òbras la Provença, paìs de lcòr qu’abandonerè mai, serè contaa l’istòria e s’agacharè una videoanimacion. L’activitat, realizaa da l’Associacion Espaci Occitan en collaboracion abo la Comuna del Sambuc e abo lo sostenh de la Region Piemont, durarè a pauc pres un’ora.

Apontament jòus 25 d’avost a 17 oras al Centre de Documentacion Val d’Estura al Sambuc, en via Umberto I, 50/a.

L’intrada es libra e gratis; per info Espaci Occitan, tel. 0171904075, segreteria@espaci-occitan.org, Comuna del Sambuc, tel. 017196633, comune.sambuco@libero.it.

Descharja lo manifestin