Decò st’automn Espaci Occitan, emè lo sostenh d’la Region Piemont, presenta LIBRES LIBRES, propòsta literaria dediaa a publicacions sus lenga, cultura e territòri occitans.
Se comença en cò d’l’Espaci Occitan jòus 8 d’octobre aboAcò noste. Appartenenzede Renato Lombardo, publicat da La Cevitou - Ecomuseo Terra del Castelmagno.Un beicar apassionat a las raïtz identitarias, fondament del nòstre èsser, sentir, pensar, parlar; arsòns d’memòrias, tradicions, lengatge, valors comuns del nòstre pichòt mond.
Jòus 22 d’octobre apontament abo Colle dell’Agnello - Una strada appesa al cielo, curat da Gianpiero Boschero, Giampaolo Testa e Lorenzo Francesconi, Fusta editor. Publicat per lhi 50 ans d’la via a 2.744 metres d’autessa, lo libre presenta l’istòria del còl dai temps di Romans fins a lhi Escartons, n’en buta en valor l’importança esportiva e toristica e n’en conta la realizacion a travers las figuras politicas e tecnicas empenhaas ent’l’òbra.
Jòus 5 de novembreAngela Delgrosso presentarèLa storia della Vita, ed.Arte ci pare e Companìa për la difusion ëd la coltura piemontèisa. L’autritz, jà astrònoma, publica un trabalh realizat fai trent’ans abo l’Escòla Media Einaudi de Saluces, una istòria per mainaas que conta evolucion, sistema solar, eras geològicas e coma l’òme sie un pericol per lo planeta. D’argument ben actual, es estata viraa en diferentas lengas, e decò en piemontés e occitan, e publicaa abo lhi dessenhs de Matilde Perrotta.
Gran final jòus 19 de novembre al Cinema Teatro Iris, aboParaulas de Hemnas, premièra antologia d’la literatura occitana al femenil, publicaa da Editions Reclams en l’Auta Garona e curaa per lo territòri francés da Paulina Kamakine e per las valadas occitanas da Rosella Pellerino, Director Scientific d’Espaci Occitan. Ental premier di dui volums dediats a las votz femenilas de lenga occitana en Espanha, França e Italia son presentas poetessas des valadas Grana, Maira e Varacha; lo second comprenarè lo Quiè, las valadas de Turin e la resta del territòri occitan d’la provincia d’Coni.
Tuchi lhi rescontres, gratis, se passarèn a 17.30 oras en cò de l’Espaci Occitan a Draonier (ex Caserma Beltricco, Via Val Maira 19), ental respèct des règlas de prevencion del COVID19, emè pòsts assenhats e distanciats, fòra que l’apontament del 19 de novembre que se tenarè sempre a 17.30 al Cinema Teatro Iris. Chal prenotar e es obligatòri butar la masquerina.
Per informacions e prenotacions Espaci Occitan, Via Val Maira 19, 12025, Draonier, Tel. 0171.904075, segreteria@espaci-occitan.org Fb @museooccitano Tw @espacioccitan