Nòvas

LIBRES LIBRES-libri liberi | avost

Pioniers e secrets en Val Maira | Lo mes d’avost en companhìa de Libres libres

Autres apontaments al mes d’avost per lhi rescontres literaris de LIBRES LIBRES – libri liberi, iniciativa d’Espaci Occitan realizaa abo lo sostenh d’la Region Piemont.

Jòus 1° d’avost a 21 oras Espaci Occitanospitarè a Draonier Marinella Peyracchia abo Pionieri d’Oc. Gli anni Ottanta nelle valli del Viso, justa publiat da Fusta. A travers entrevistas originalas lhi personatges qu’an batalhat per l’endipendença culturala des valadas ai pè del Viso se contien. Son personalitats activas da la santat a l’arquitectura, da l’administracion publica a n’aquela privaa. Da la seconda metat del secle passat fins al jorn d’encuei, cerchant lo sens qu’a encara esser pioniers, difensors e activistas. Marinella Peyracchia, del Mel, a estudiat arquitectura a Turin e Geografia Umana a Grenobla: es autritz di romanç Il bambino blue e Pardes Fallastin. Moderator Rosella Pellerino.

Sande 10 d’avost a 18 oras apontament ai Techs de Draonier. L’ex Escòla Elementara ospitarè Luciana Navone abo lo romançRefoli di vita, una storia di famiglia ai Tetti di Dronero, publiat da Ebs Print ental 2018. L’istòria comença ental 1886 pròpi ai Techs. Las sòrres Caterina e Adelaide atenden Masino, lo pelassier, per vendre lhi pèls. La maire, enrabiaa, per punicion manda las filhas en França a culhir lavanda. Una man d’ans après a Caterina, que ista a Turin, arriba una letra da la sòrre, que lhi demanda de s’ocupar d’sa filha Françoise, per la proteger da una relacion esbalhaa, gardant un secret desvelat mec ental final. Luciana Navone nais a Vilar Perosa da familha d’Turin, mas originaria en part d’la ruaa Tec; d’aquì l’amor per la Valadas Cluson e Maira. Es autritz de poesias e romanç: Carezze di Luce, Profumo di tiglio, Specchi di ghiaccio. Moderator Rosella Pellerino.

Final lo Venre 23 d’avost a 21 oras a l’Espaci Occitan de Draonier, abo Nicola Pettorino e L’animale (che mi porto dentro),publiat ental 2019 da l’Araba Fenice. Devisarè abo l’autor lo collaborator d’La Guida Marco Campagna.Lo libre part da un di tragics omicidis des Brigaas Rossas enti ans '70, quora venen maçats maire e paire del pichòt Mattia Cardelli. Ele camparè sa rabia en l’espòrt devenent un campion, mas quora de problèmas fisics lo fermen, cerchant venjança, volerè far-se justicia da solet. Lo recavat del libre servarè a ajuar Marco Veglia, jove amputat d’Beinetas.Nicola Pettorino, naissut a Roma, ista a Poranh e trabalha a Turin. Laureat en Letras abo tesi s’la Resistença en Val d’Estura, a collaborat abo l'Institut Istòric d’la Resistença d’Coni e a publiat lhi romanç Il quarto d'ora granata, Una Carezza da Lontano e Valerio Valeri e il caso Stern Pennisi.

Tuchi lhi apontaments son gratis.Per informacions Espaci Occitan, Via Val Maira 19, 12025, Draonier, Tel. 0171.904075, segreteria@remove-this.espaci-occitan.org Fb @museooccitano Tw @espacioccitan.

Descharja lo manifestin