Sande 8 d’octobre a la Ròcha
Dins l’encastre d’la 18^ edicion d’la Fiera d’Val d’la Ròcha l’8 e lo 9 d’octobre, l’Associacion Espaci Occitan propon un rescontre dal titol ISTEM CHAPUEI – Pensiers d’aquelhi que vivon en montanha, per evidenciar las oportunitats e lhi problemas rescontrats da n’aquelhi qu’enveston energias e resorças per viure e trabalhar en valada. Lo rescontre vòl far coneisser lhi besonhs e lhi sumis di joves emprenditors que volerion enraïtzar lor futur en las valadas, per far partecipar decò las administracions del pòst e las comunitats a la recèrcha de potencialas solucions.
L’apontament es per sande 8 d’octobre a 14.30 en cò del Centre parroquial Sacra Famiglia d’la Ròcha. Coma relators serèn envitats Mariolina Pianezzola, Director del GAL- Tradizione delle Terre Occitane e Cinzia Dutto, “chaçatritz d’estòrias”, autritz del blog “Il pensatoio” e d’una apreciaa rubrica sus Targatocn ente conta las experienças d’aquelhi qu’an cernut d’viure e trabalhar en montanha.
Serèn decò presentas de realtats emprenditorialas del territòri GAL: Francesca Di Paolo, guida toristica, responsabla del Laboratòri erboristic artisanal Euphytos a Lemma d’Rossana, e empenhaa ental projèct “Birre di confine”, itineraris toristics sostenibles s’la filiera agroalimentara d’la birra; Stefano Vindrola, titolar d’la distilleria d’Pratz Alquimio d’oc; Roberto Ribero, acompanhator naturalistic e ciclotoristic, sòci fondator d’la cooperativa d’trabalh EmotionAlp.
L’intrada es libra. Info a Espaci Occitan, segreteria@espaci--occitan.org, tel. 0171.904075.