Nòvas

Lo desrevelh de l'ors occitan. Mites e rites del sarvatge alpin

 

Sèm aurós d'anonciar la publicacion del volum “Lo desrevelh de l'ors occitan. Mites e rites del sarvatge alpin”, realizaa da Espaci Occitan emè lo sostenh de la Region Piemont, curaa da Piercarlo Grimaldi e Fulvio Romano emè la redacion de Rosella Pellerino, Omega Editor

Una racòlta en 4 lengas d'estudis di mai importants estudiós d'antropologia e etnografia, dedicaa a l'orso, bèstia totemica protagonista de lhi ancians Carlevars #occitans, da las Alps ai Pirenèus. 

Aquesti lhi autors: Fulvio Romano, Piercarlo Grimaldi, André Carénini, Jean Dominique Lajoux, Thierry Truffaut, Samuel Kinser, Gianpaolo Fassino, Ambrogio Artoni, Davide Porporato, Agostino Borra, Luciano Nattino, Battista Saiu, Cesare Poppi, Gianpiero Boschero. 

En atendent de nos reveire de persona, agachatz en linha una presentacion del libre, enrichia da las represas de l'edicion del 1989 del Carlevar del Vilar d'Acelh en val Maira, e da n'aquela del 2021 de l'ors de sèel de Vaudier en Val Ges! 

Ental video de presentacion del libre, lhi entervents de Michelangelo Ghio President d'Espaci Occitan, Rosella Pellerino, Piercarlo Grimaldi e Fulvio Romano.

Gracias a l’Ecomusèu de la Seèl per lo permés de reprener l'Ors de Vaudier Aree Protette Alpi Marittime. La clip es realizaa da Raffaele Massano Videomaker. En cubertina fotografia de Giorgio Bernardi. 

Lo libre se pòl trobar en cò d'l'Espaci Occitan!