Aprener per la vita. Arditat e Educacion

Coma tuchi lhi ans lo Musèu Occitan Sòn de Lenga partecipa a l’apontament GEP, Giornate Europee del Patrimonio, sostengut dal Ministeri per lhi bens e las activitats culturalas per navisar l’importança del patrimòni cultural e la sia valor istòrica, artistica, identitaria. Es una manifestacion europea, lançaa ental 1991 dal Conselh d’Europa e da la Commission Europea, per far apreciar e conoisser a tuchi lo patrimòni cultural comun e envitar a partecipar activament a salvar-lo e passar-lo a las nòvas generacions.

Lo tèma d’aqueste an es “Aprener per la vita. Arditat e Educacion”. Lo 26 e 27 de setembre parteciperè coma de costuma una man de musèus e pòsts d’la cultura en Europa, continent ente son presentas mai de 60 minoranças linguísticas, coma l’occitan. Parlat encara encuei ental sud d’la França, en Espanha en Val d’Aran e en 120 comunas d’Italia, jà despuei la fin del secle X coneis son temp d’òr gracias al moviment literari di trobadors, que inspoiron las mai importantas escòlas poeticas europeas, da n’aquela siciliana a l’alemanda, fins a l’Estil Nòu. Fins Dante avia entri lhi poetas mai apreciats Arnaut Daniel e escriu 8 vers en occitan en la Divina Commedia. Al mesme temp, la cultura materiala e de tuchi lhi jorns d’la minorança occitana, e la convivença de fe difèrentas, an laissat una arditat de valors, coma paratge e convivencia, que pòlon pas mancar en l’educacion d’la societat d’encuei e del futur.

Sande 26 de setembre a 10 e 11 oras l’Associacion Espaci Occitan organiza doas visitas guidaas gratis del musèu Sòn de Lenga, abo especiala atencion a las minoranças e a l’importança de l’occitano ental Medioevo europèu.

La partecipacion es gratis, mas es obligatòria la prenotacion per respectar le nòrmas de prevencion del COVID19. Per informacions Espaci Occitan: www.espaci-occitan.org, segreteria@espaci-occitan.org, Fb @museooccitano, Tw @espacioccitan, tel 0171904075.

Lo programa GEP 2020 se pòl trobar sus http://musei.beniculturali.it/notizie/notifiche/giornate-europee-del-patrimonio-2020 .