Decò aqueste an lo Musèu Occitan Sòn de Lenga partecipa a l’apontament GEP, Giornate Europee del Patrimonio, sostengut dal Ministeri per lhi bens e las activitats culturalas per navisar l’importança del patrimòni cultural e la sia valor istòrica, artistica, identitaria, previst per lo 21 e 22 de setembre.

Es una manifestacion europea, lançaa ental 1991 dal Conselh d’Europa e da la Commission Europea, per far apreciar e conoisser a tuchi lo patrimòni cultural comun e envitar a partecipar activament a salvar-lo e passar-lo a las nòvas generacions.

Sande 21 de setembre da 17 e 18 oras l’Associacion Espaci Occitan organiza una dubertura extraordinaria gratis d’la mòstra Dandelion: tempo di bourrée. L’exposicion part dai dessenhs realizats da Elisa Talentino, artista famosa ental mond que ista e trabalha a Turin, e que componon una animacion dediaa a l’antica dança occitana. Per l’ocasion la mòstra se polerè visitar abo una guida d’excepcion, lo Director Scientific Rosella Pellerino que companharè lhi visitators ent’un viatge dins la musica occitana truchant decò aquela classica, a travers l’istòria d’instruments e danças caracteristicas de la tradiccion d’òc, entre flors e bestias qu’an inspirat l’artista, e decò ental mond cultural e linguistic occitan, fil ros de tuchi aquesti argoments. La visita serè parelh una vera experiença de tuchi lhi sens, per conjugar elements de linguistica, botanica, mitologia e antropologia.

La partecipacion es libra, fai plaser la prenotacion.

Lo programa GEP 2019