Libres en o sus l’occitan

Abo l’auton torna Libres libres - Libri liberi, la propòsta de l’Associacion Espaci Occitan de Draonier realizaa abo lo sostenh de la Region Piemont e dediaa a publicacions en lenga occitana o liaas a la cultura alpina.

Lo premier rescontre en calendari se passarè per un bòt a Lo Borg, ente jòus 6 d’octobre a 18 oras en la Biblioteca Civica Anna Frank de Via Boves 4 serè presentat AbeioAbeio, novèl drama en occitan de Diego Anghilante.

Tuchi lhi autres apontaments serèn sempre a 18 oras en cò d’Espaci Occitan en Via Val Maira 19 a Draonier, abo aqueste calendari:

jòus 13 d’octobre Rosella Pellerino, Director scientific d’Espaci Occitan, presenta en anteprima nacionalason La bestia del Vacarés, premièra traducion italiana del cap d’òbra d’Joseph d’Arbaud, abo la filòloga Monica Longobardi, prefatritz de l’òbra, e Erasmo de Meo editor de La Noce d’oro;

jòus 3 d’novembre Diego Anghilante torna abo Abeio Abeio ensemp a Ettore Canepa e al jornalista de “La Stampa” Carlo Giordano;

jòus 10 d’novembre Arturo Viano presenta Pinòqui, traducion en occitan del cap d’òbra d’Carlo Collodi, abo Gianna Bianco e Marco Bailone, illustrator del libre;

jòus 17 d’Novembre Lidia Dutto, antropòloga, propon Come l’acqua o la pernice. Comportamenti matrimoniali, scenari all’unione e ritualità nel passato di un’area alpina;

venre 2d’decembre la cantautritz Valeria Tron presenta sia òbra premièra L’equilibrio delle lucciole abo lo jornalista de “La Stampa” Carlo Giordano, en collaboracion abo la libreria Segnavia - Porta di Valle.

AbeioAbeio (apeape), es la darrièra òbra de Diego Anghilante, director del mensil «Ousitanio Vivo», escrivaire e documentarista. Aprés la tragedia occitana Bastian Nevacho, rapresentaa ental 2019 abo succés en las valadas occitanas, l’autor torna al teatre abo una pièce qu’arpren ental titol una famosa poesia de Barba Tòni Baudrier. Sot-titol de l’òbra es neoruralismo e follia: lo jove protagonistade fach cern de anar mai a viure a Sausa, paìs imaginari d’ente son migrats lhi siei, per cudir abelhas, mas lhi compaisans gaire amistós e l’istar da solet trabaharèn contra sa santat mentala.

Devisarèn abo l’autor lo satgista Ettore Canepa e lo borgarin Andrea Borgogno. Serèn decò recitats de tòcs de l’òbra.

L’intrada a tuchi lhi apontaments es gratis; info tel. 0171.904075, segreteria@remove-this.espaci-occitan.org.