Per lo programa DANTE E LA LINGUA D’OC, lo darrier fin de setmana del mes son prevists dui apontaments.
Venre 30 de lulh al Mel sot l’Ala Comunalaa 18 oras lo protagonista serè DANTE, LO VULGAR E LA MUSICA EN LA DIVINA COMEDIA. Dante abo De vulgari eloquentia e Il Convivio es estat un di premiers estudiós des lengas romanas: en mai de l’occitan avia sentut parlar nombrosas lengas, coma lo sard e lhi dialects de Turin e Alessandria. Mas Dante era decò ben apassionat de musica, e en las tres Canticas se tròbon diferents senhals d’aquò. Rosella Pellerino, Director Scientific d’Espaci Occitan, nos companharè ent’aqueste viatge entre lenga e musica. Intrada gratis, prenotacion obligatòria a Segnavia Porta di Valle 0175 689629. L’iniciativa fai part del programa Occit’amo. Per l’ocasion, lhi òstes del pòst proponen de menù dantescs.
Diamenja1° d’avost apontament a l’Argentiera en fraccion Berzés, en la Plaçeta d’la Comuna, a 16.30 oras abo QUANTE STORIE DIETRO LE PAROLE – ABBECEDARIO DANTESCO abo Caterina Ramonda, narracion per mainaas e familhas, pichòts e grands, curiós e per aquelhi qu’an vuelha d’escotar. Dante a cernut lo nom de la lenga occitana. Mas que s’estrema darreire de paraulas d’aquesta lenga? A la descuberta de causas fòravia, istòrias, personatges e sòns dròles dedins l’alfabet d’òc. L’iniciativa fai part des activitats Lei 482/99. Intrada gratis, prenotacion obligatòria a cultura@vallestura.cn.it o 0171 955555.
Lo calendariDante e la lingua d’oc continuarè a avost, setembre e octobre en las valadas de Saluces e Coni emè nombrós apontaments dediats al rapòrt entre Dante e la lenga occitana.
Dante e la lingua d’oc, es una iniciativa da las Unions Montanas des valadas occitanas Pò, Varacha, Maira, Grana e Estura ensemp a la Comuna de Saluces e a Terres Monviso e abo l’organizacion d’Espaci Occitan prepausaa per celebrar, a 700 ans da sa mòrt, lo rapòrt especial que lo Grand Poeta avia emè lhi trobadors e la lenga occitana. Es un calendari que despuei junh e fins a octobre anima la montanha occitana entre Coni e Saluces, dins l’encastre d’AMOR MI MOSSE, cornitz comuna a d’iniciativas espanteaas sus tot lo territòri de la provincia.
Dante avia entre siei modèls literaris pròpi lhi trobadors, sustot Arnaut Daniel, qu’avia definit miglior fabbro (dal latin faber, creator) del parlar materno. Per demonstrar la valor literaria reconeissua a la lenga d’òc, Dante en LaDivina Commedia escriu uech vers en occitan, fasent parlar parelh Arnaut, ental Chant XXVI del Purgatòri. E ental 1303, abo lo De vulgari eloquentia lo Poeta rend immortala la definicion de lenga d’òc.
InfoDante e la lingua d’oc: www.espaci-occitan.org - www.amormimosse.com