Nòvas

Cors frontals de lenga e cultura occitana

Da genier sus tres livèls a Draonier

Reprenon abo lo 2020 lhi cors frontals de lenga e cultura occitana alpina tenguts da Rosella Pellerino per las activitats de l’Union Montana Val Maira abo lo sostenh de la Lei 482/99.

Lo mercre 8 de genier començarè un cors frontal de lenga e cultura occitana de premier livèl, abo particulara atencion a las varietats d’la Val Maira e d’la provincia d’Coni: lessic, conversacion e principalas reglas gramaticalas. Lo cors se passarè en cò d’l’Institut d’Estudis Occitans en Via Val Maira 19 a Draonier. Son prevists 6 rescontres da 2 oras, lhi mercre da 17.30 oras a 19.30, en lhi jorns 8-15-22-29 de genier e 5-12 de febrier. Lo cors es gratis e serè activat abo 5 participants. Fin des inscripccions: sande 4 de genier.

A seguir, es programat un cors frontal de lenga e cultura occitana de second livèl, abo reglas de lectura e escrichura, principis des grafias classica e Escolo dòu Po, conversacion, dubèrt a qui abie finit un percors de premier livèl frontal o en linha. Decò aqueste cors serè tengut en lhi mesme locals, e son prevists 4 rescontres da 2 oras, lhi mercre 19-26 de febrier e 4-11 de març, sempre da 17.30 a 19.30 oras. Lo cors es gratis e serè activat abo 5 participants. Fin des inscripccions: luns 17 de febrier.

A la fin d’aqueste, es previst un cors frontal de lenga e cultura occitana de terç livèl, especialistic,dubèrt a qui abie finit un percors de second livèl frontal o en linha. Decò aqueste cors serè tengut en lhi mesme locals, e son prevists 4 rescontres da 2 oras, lhi mercre 18-25 de març e 1-8 de abril, sempre da 17.30 a 19.30 oras. Lo cors es gratis e serè activat abo 5 participants. Fin des inscripccions: luns 16 de març.

Totas las activitats fan part del projèct de l’Union Montana Val Maira financiat da la Lei 482/99.

Per informacions e inscripcions escriure a corsioccitano@remove-this.gmail.com; informacions decò en cò d’Espaci Occitan, tel. 0171.904075.