Reprenon stoton lhi cors de lenga e cultura occitana alpina en linha tenguts da Rosella Pellerino per las activitats de l’Union Montana Val Maira abo lo sostenh de la Lei 482/99. Son prevists tres livèls, que començarèn lo 14 d’octobre p.v. e finissarèn lo 21 de decembre del 2019.
Lo premier livèl es un cors d’alfabetizacion elementar abo elements de lectura, escrichura, gramatica, ortografia a travèrs leiçons en linha. Dubèrt a emplegats de lhi oficis toristics, ensenhaires, dependents des publicas administracions e apassionats, bela si son pas occitanofòns o residents en la region occitana alpina, propon 6 lecions en linha embe fichas gramaticalas, file sonòrs, diccionari fondamental, exercicis de valutacion
Lo second livèl, finalizat a obtenir una mai granda padronança de la lenga escricha e parlaa, a travèrs lo perfeccionament des reglas gramaticalas e l’estudi de terminologias d’escpecialitat, es dubèrt a n’aqueli qu’an finit lo plan d’estudis del cors de premier livèl e es articolat en 6 lecions en linha.
Lo terç livèl es finalizat al perfeccionament des reglas gramaticalas e a l’estudi de terminologias especialisticas; es dubèrt a lhi estudents qu’an finit lo plan d’estudis del cors de second livèl e propon 4 lecions en linha.
L’occitan alpin adobrat serè aquel meridional (valadas de Coni) mas chasque escolan polerè partecipar embè la sia varianta.
Las iscripcions devon arribar drant del 12 d’octobre p.v. per mail a corsioccitano@gmail.com marcant Nom e Conhòm, Luec e data de naissua, Residença, Telefon, email, Profession, livel da frequentar. La partecipacion es gratis.
Es possible frequentar un solèt livèl per an e lhi cors superiors son dubèrts mec a qui a completat lhi livèls precedents. Da genier 2020 son prevists decò tres livèls de cors d’occitan frontals a Draonier.
Informacions via mail a corsioccitano@gmail.org o a la segreteria d’Espaci Occitan a Draonier, Tel. 0171 904075 segreteria@espaci-occitan.org lo mercre en orari 15-18, jòus e venre 9-12 e 15-18, lo sande 9-12.