Istòrias en occitan abo Claudio Franco.
Arriba decò en Val Grana lo novèl espectacle de Claudio Franco, poliedric actor amatorial d’Aison, actiu da una detzena d’ans e darrierament protagonista principal d’la tragedia occitana Bastian Nevacho de Diego Anghilante.
Bartavelear es un espectacle legier, fach de quadres, batuas, istòrias contaas da parents e compaisans, quarqu’una tradiccionala, autras enventaas da la fantasia de Claudio o escrichas da autres autors, coma l’imaginari discors del Viscomt Bolleris d’Demont, per sorire a la bona a travers la comicitat a nòstra mòda.
En occitan bartavelear vòl dir chacharar sec, ganassear volentier, e venaria da la bertavela, la pernitz rossa (Alectoris rufa) conoissua per son vers fòrt e sensa sosta, qu’auria inspirat decò lo nom del bartavel, pichòt intrument que fasia bautear la grilha de l’enventaor, fasent un bruch enoiós e repetut.
E d’segur manca pas la bertavela a Claudio Franco, qu’abo aqueste espectacle arpilha la dralha de Reclam, cabaret presentat passa quarque an en las valadas. A far da espala a l’actor aqueste viatge serè Manuela Damiano, d’Sen Pie del Borgat.
L’espectacle se passarè sande 15 d’octobre 2022 a 21 oras a la Bochòfila d’Sen Pie del Borgat. L’intrada es libra e gratis.
L’iniciativa es realizaa da Espaci Occitan abo la collaboracion de Proloco Valverde e Ecomuseo Terra del Castelmagno.
Per info: Espaci Occitan, www.espaci-occitan.org, segreteria@espaci-occitan.org, Fb @museooccitano, Tw @espacioccitan, IG @museo.occitano, tel 0171904075.