Arriba la prima e Espaci Occitan abo l’Union Montana Val Maira proponon a las mainaas entre 6 e 12 ans e a lors familhas d’activitats per amusar-se e emprener abo la lenga e la cultura occitana. Las iniciativas, realizaas dins l’encastre del projèct de l’Union Montana Val Maira financiat da la Presidença del Conselh di Ministres per la Lei 482/99, se passarèn en diferèntas comunas d’la Val Maira fins a l’istaa.
Lo premier apontament es previst per sande 9 d’abril a 16 oras en cò d’la Biblioteca Civica d’la Ròcha, en Plaça Cav. Giuseppe Giorsetti 4 (dapè a las escòlas). Rosella Pellerino proponarè Legendas d’la Val Maira. Lo pont del diaul, La mascha parpalha, Lhi pè del sarvanòt. Un viatge entre lhi personatges pus caracteristics de l’imaginari fantastic e mitològic des valadas, protagonistas de famosas legendas d’la Val Maira contaas e videoanimaas en occitan e italian. Prenotacion drant de metzjorn del 9 d’abril.
Ental mes de mai autras iniciativas serèn organizaas per grops en visita al musèu Sòn de Lenga de Draonier, e activitas de musica e juèc en e sus l’occitan son en programa per l’istaa e serèn proponguas ai centres estius d’la Val Maira.
La partecipacion a totas las activitats es gratis, mas chal prenotar al numre 0171.904075 o via mail a segreteria@espaci-occitan.org; sempre aicì es possible receure mai d’informacions.